البرلماني شحال كيشد !!?

أولا حاجة خاصك تعرفها أخي أختي هو البرلمان المهمة ديالو يدير قوانين تتحدد لينا سير العمل فهاد البلاد السعيدة . ومن المتناقضات أن الخلصة لي كيشدوها البرلمانيين معندهاش شي قانون تيحددها وممنشوراش فالجريدة الرسمية .
ولي معارفش شنو هي الجريدة الرسمية : فهي صحيفة ديال الحكومة فيها جميع القوانين لي تدارت فهاد البلاد وميمكنش يتطبق شي قانون قبل ميتنشر فديك الجريدة باش المواطنين يعرفوه .

إذن دوك الفلوس لي كيشدوها غير شرعية بمعنى. حرااااااام

البرلماني كيشد كل شهر 3 المليون ونص
وملي تيكون رئيس لجنة ولا رئيس فريق ف كيزيدوه 120 الف يعني كيشد كل شهر 4 المليون و10 لاف ريال

بالنسبة لسي الوزير فكل وزير كيتخلص ب 2 المليون و 120 الف ، اتقولي اواااه كيسحاب لي كتر .. أنقولك غير صبر نكمل ليك
الوزير كيشد 2 المليون و 120 زائد تعويضات أولها 1 مليون و 80 الف ريال ديال (تمتيل الدولة) زائد تعويض على السكن تيشد فيها مليون ونص كل شهر زائد 100 الف ريال ديال الأواني المنزلية و 2 سيارات رهن الاشارة ديالو.... فالأخير الخلصة كتوصل ل 6 المليون

رئيس الحكومة تيتخلص ب 3 المليون و 40 الف ريال زائد تعويضات أولها 1مليون و 160 الف ريال ديال تمتيل الدولة و1 مليون ونص ديال السكن و 100 الف ريال ديال الأواني المنزلية القشاوش ولا المواعن و 3 الطوموبيلات رهن إشارته هو وعائلتو وقت مابغا .. فالأخير الخلصة كتوصل ل 7 المليون شهريا وكتر

واخا ديك الخلصة السمينة الوزراء والبرلمانيين مزال عندهم امتيازات أخرى أولها بون ديال الوقود زائد التران فابور هو والطريق السيار زائد أوطيلات فابور زائد تخفيضات كبيرة فرحلات الطائرات زائد تعويضات ملي كيخرجو برا البلاد. ... وزيد وزيد

مزاااال مسالينا

الوزير ملي كتسالي ديك 5 سنين ديالو واش نخليوه يمشي يديه خاويين ؟؟ لا حشومة

أول حاجة كنشدو شحال كيتخلص ونضربوها ف 10 . متلا الوزير تيشد قلنا 2 المليون و 120 انشدوها ونضربوها ف 10 اتعطينا 26 مليون سنتيم وغادي ياخدها الوزيد كتعويض على نهاية الولاية ديالهم

رئيس الحكومة تاهو تيضربو الخلصة ديالو ف 10 وتيشد 32 مليون سنتيم ملي كتسالي مهمتو

ومزاااال مساليت وندوزو للتقاعد

كل عام تيدوزو البرلماني فالبرلمان كيشد عليه 20 الف ريال بمعنى ملي كدوز 5 سنين ايشد تقاعد ديال 100 الف ريال مدى الحياة الى دوز 10 سنين ايشد مليون

والوزير ملي كيشد التقاعد تيبدا يشد 3 المليون و 180 الف ريال كل شهر على تقاعدو . ودايرين واحد الشرط هو ميكونش عندو شي مداخيل أخرى يعني مخدامش شي خدمة اخرى كيشد فيها قد داك التمن

اتقولي وكيفاش الوزير لي كتسالي المهمة ديالو وكيرجع متلا خدام أستاد ولا شي حاجة ؟؟ انجاوبك هنا اياخد الفرق بين الخلصة ديالو وبين التقاعد
متلا مشا خدم فشي بلاصة وبدا تيتخلص ب 2 المليون .. فهنا غادي ياخد داك الفرق لي بين 2 المليون و 3 المليون 180 الف ديال التقاعد ... بمعنى ايكملو ليه الفلوس

الوزير الى مات دوك الفلوس ديال القاعد ايرجعو لولادو وعائلتو وغادي يبقاو يشدو النص ديالهم .. بمعنى الى كان تيشد 3 المليون ملي يموت ولادو يشدو مليون ونص

دابا تخييل معايا كل 4 سنين البرلمان تيكون فيه 395 عضو . تخيل معايا من 1956 ل 2018 شحال من عضو داز وشحال من وزير داز ومزال تياخد داك التقاعد وهو ناعس مرتاح ولا خدام شي خدمة ممديكلاريش بيها ومزال تيتخلص